நேரம் மாலை 6.15.
கனிமொழி வாக்களிக்கச் செல்லும் வகுப்பிற்குள் நுழைவதற்கு நெருக்கியடித்துக் கொண்டிருந்தனர். முந்திச்செல்ல முடியாதவர்கள் வெளியிலேயே மாட்டிக்கொண்டனர். ஆனால் அவர்கள் விட்டுக்கொடுக்கவில்லை! வகுப்பின் ஜன்னல் திண்டின்மேல் ஏறியபடி கம்பிகளுக்கிடையில் கேமரா லென்சை வைத்து அவரை ஃப்ரேமில் கொண்டு வந்து விட சிரமப்பட்டனர்.
நான் ஒரு போலிஸ்காரரின் முகத்தைப் பார்க்க நேர்ந்தது. அவர் அந்த நெரிசலைக் கவலையோடு பார்த்துக்கொண்டிருந்தார். எந்தவொரு முன்னேற்பாடும் உத்திரவாதமும் கூட இப்படியான கட்டுப்பாடற்ற நெரிசலை சமாளிக்க உதவியிருக்காது என்று கண்டிப்பாக கூறலாம்.
ஆனால் கனிமொழி வாக்களிப்பதில் என்ன சிறப்பு? அவர் மிக முக்கியமான அரசியல்வாதியாக இருப்பதாலா அல்லது அவருக்கு கரோனா தொற்று இருப்பதாலா?
சைக்கிள்களில் பயணம் செய்யும் நடிகர்களையோ அல்லது கரோனா தொற்றால் பாதிக்கப்பட்ட எம்பிக்களைச் சுற்றித் திரியும் எங்களைப் போல் செய்தியாளர்களின் செயலை நியாயப்படுத்துவதற்கான பதிவு இது இல்லை.
இந்த விடியோவை தவறவிடாதீர்கள்!!!